තරු ඇස් ළඟ දැවටී දැවටී මිහිර විඳින්න
හද මඬලට සඳ පායන සිසිල දැනෙන්න
නුඹේ සෙනෙහෙ උණුසුම ළඟ සැනහී ඉන්න
රත්තරනේ මම එනවා බලා හිඳින්න..
නෙතු අද්දර නිහඬ සිතුම් වදන් ගොතන්න
මං එන්නම් මගේ උණුහුම මැණිකේට ගන්න
තුලුල් වෙලා ඔය අතැඟිලි පහස ලබන්න
මං එන්නේ යන්න නෙවෙයි වස්තුවේ ඉන්න
සොයුරි නුඹයි කෝලකමට සුරතලී නුඹයි
මෑණි නුඹයි මා රකිනා මිතුරියද නුඹයි
සෙනෙහෙ නුඹයි සෙනෙහස දුන් ගඟුල නුඹේ නමයි
සසර පුරා මගේ හදවත හිමිකාරී නුඹයි
කවිය නුඹයි කවිකම දුම් කිවිඳියද නුඹයි
කුකවි මමයි මගේ කවියේ එලිය නුඹ තමයි
නුඹේ අද්දර නිහඬ මගේ සිතුම් වැල මෙයයි
නුඹේ තරු ඇස් මගේ නෙතු මත සොයන දේ එයයි
සුපුරුදු ආදර මාවත එලිය කරන්න
මම ආසයි නුඹේ ඇත ගෙන ඇවිදන් යන්න
සෙමෙන් හොරෙන් හාදු පුදා කොපුල් තෙමන්න
යන්න නෙමෙයි මම එන්නේ වස්තුවේ ඉන්න..
© කරූ.
© කරූ.
No comments:
Post a Comment
මලක් හරි ගලක් හරි දමල ගහල යන්න, ඒක මට හයියක්.