මං-කෙල්ලෙක්-වඩේ සහ මේක් අප්- (ආතල් ඉරිදා ආතල් කතා)

ඔන්න  මිත්රවරුනී මං අද උදේ සකලබුජන් කොට කලිසම ගහගෙන ඉරිදා පොලට ගිහින් වඩයක් හප හප එනවා ඈ, අපේ ගෙවල් පාර දිගේ..


රතු පාට ස්කූටියක මෙන්න ලොකු.... කෙල්ලෙක් ඉඳන් මං දිහා බලනවා.. කොන්ඩේ ඉස්ටෙට් කොරලා මේක් අප් නාලා හප්පේ! මං අහක බලන් ආවා, මොකද බුදු ෂුවර් මං දිහා නෙවේ හරියටම මට පිටිපස්සේ තියෙන දෙයක් දිහා විය යුතුමයි බලන්නේ කියලා පළපුරුද්දෙන් මං දන්න නිසා!
හැබැයි මං හෙමීන් ආයේ බැලුවා ඈ, මෙන්න හිනා වෙනෝ! කවුද බොලේ මේ ඒරියා එකට බැස්ස අලුත් කෑල්ල, හිතද්දීම මෙන්න මේකි හෙල්මට් එක ගලවලා  අහපි "අඳුරන්න බැරිද අනීව්' කියල! මාත් ඇඟට නොදැනී පාර පනින ගමන්ම මීටරේ කැරකෙව්වා!



හුකා පපායා මේ ඉන්නේ බොලේ අපේ ටවුමේ ආණ්ඩුවෙන් හදලා දුන්න තරුණ සංගමේ අවුරුද්දක්ම මගෙ සෙකට්‍රි වෙලා උන්න අක්ක කෑල්ල! (නිලධාරි මණ්ඩලේම මට වඩා වැඩිමල්,ලාබාලම මං තමා ලොකු පුටුව) මගෙ පුංචි හිත හෝන්දු මාන්දු වෙලා ගියා ! ඒ කාලේ අහෝ ඇයි මේ සුන්දරත්වය නොදුටුවේ,පුංචි හිතට දහස්වාරයක් කල්පනා වුනා!
 
" කෙට්ට්ට්ටු වෙලා මල්ලෝ ඕවා " කියද්දීම මගෙ බ්රේක් නැති කටින් පැන්නා අප්පේ කොහෙද මේ මගුල් ගෙදරක යන්නද කියලා! (මොකද උන්ගේ ගෙවල් අපේ ගෙවල් හරියෙමයි, මේ පාරට බහින්න දාපු මේක් අප් එකක් වෙන්ට බෑ) අනේ නෑ මල්ලි මේ මං අයියගෙන් බඩු වගයක් ඉල්ල ගන්න ආවා! (අද පොළ දවස මෙහෙ)
මට දෙන්න උත්තරයක් කටට ආවේ නෑ මිත්රවරුනී, මට දෙන්න උත්තරයක් කටට ආවේ නෑ !  මං ඉතින් රස්සාවට ගිය දා පටන් කෙට්ටු වුන හැටි සහ මේ වෙද්දී බර කිලෝ 22ක් අඩු වුන හැටි ගැන කියලා හෙමින් මාරු වෙලා ආව..
 
(ඔව් ඔව් අලුත් නම්බරේ සහ පර්සනල් නම්බරේ දෙකම දුන්න,මගක් එද්දී මතක් වෙලා )
___________________________________
හැබෑම කතන්දරේ මේකයි, කෙල්ලන්ට කොටට අඳින්න එපා මේක් අප් දාන්න එපා කියන අහවල් සදාචාර අමාරුවක් මට නැහැ.. අඩුම තරමේ කෙල්ලටවත් මම කියලා නැහැ කොටට අඳින්න එපා අරක එපා මේක එපා කියලා, මම කියන්නේ තැනට සුදුසු විදියට අඳින්න, කතන්දරේ එච්චරයි.. සමහරුන්ට ලස්සන දේ සමහරුන්ට එහෙම නොවෙන්න පුළුවන්, මේක් අප් උනත් එහෙමම තමයි, හැබැයි ඒ දේ ගැලපෙන කෙනෙක්ට උනත් උවමනාවට වඩා ඒ දේ යෙදෙව්වාම අප්‍රසන්නයි, ගැලපෙන දේ උනත් හන්දියේ කඩේට තේ කොළ ගේන්න යද්දිත් දාගෙන යනවා නම් එතන බරපතල ඇටෙන්ෂන් සීකින් එරර් එකක් තියෙනවා. ලොවෙත් හරිහමන් කොල්ලෙක් නම් සෙට් වෙන්නේ නෑ එහෙම කෙල්ලෙක්ට. තව උදාහරණයක් කියනවා නම්, පමණට වඩා තොල් ආලේපන කියන්නේ french kiss මෝමන්ට් එකක මම රිවස් ගියර් එකෙන් හිමීට මාරු වෙන්න ඉඩ තියෙන හේතුවක්! ඕවා ආමාශගත වුනොත් එහෙම ලෙඩේ වෙනම හොයන්න වෙනවා, ඊට වඩා දැක්කම අවුල්.

මං හිතන්නේ මේක බහුතරයක් කොල්ලෝ විශ්වාස කරන දෙයක්, ඉතින් මම මේ පොඩ්ඩක් එඩිතර වෙලා සමස්ථ ස්ත්‍රී ප්‍රජාව උදෙසා කොල්ලන් වෙනුවෙන් මෙහෙම ලියලා තියනවා, ගෑල්ලමයින්ට උදව්වක් විදියට!